Doktorsvörn 24.02.2006 Anna Sigríður Ólafsdóttir
Doktorsvörn 24.02.2006 Anna Sigríður Ólafsdóttir –
Anna Sigríður Ólafsdóttir varði doktorsritgerð í næringarfræði 24. febrúar 2006. Heiti ritgerðar var „Diet and lifestyle of women in childbearing age. Impact of cod liver oil consumption on maternal health, birthoutcome and breast milk composition and associations between diet, lifestyle and weight gain in pregnancy“ eða „Næring og lífshættir kvenna á barneignaaldri. Áhrif lýsisneyslu á heilsu móður, útkomu meðgöngu og samsetningu móðurmjólkur ásamt sambandi næringar, lífshátta og þyngdaraukningar kvenna á meðgöngu“.
Andmælendur voru doktor Matthew W. Gillman, associate professor við Department of Nutrition, Harvard School of Public Health í Boston í Bandaríkjunum (næringarfræðideild Lýðheilsuháskóla Harvard-háskóla í Boston), og doktor Helle Margrete Meltzer, næringarfræðingur og seniorforsker við Nasjonalt Folkehelseinstitutt (vísindamaður við Lýðheilsustofnun Noregs) í Osló í Noregi.
Leiðbeinendur Önnu voru doktor Inga Þórsdóttir, prófessor í næringarfræði við matvæla- og næringarfræðiskor raunvísindadeildar Háskóla Íslands og forstöðumaður rannsóknastofu í næringarfræði, og doktor Laufey Steingrímsdóttir, sviðsstjóri rannsókna- og þróunarsviðs Lýðheilsustöðvar. Ásamt þeim í doktorsnefnd sat doktor Guðrún V. Skúladóttir, vísindamaður á rannsóknastofu í lífeðlisfræði við læknadeild Háskóla Íslands.