Hjúkrunarfræðideild V/Minnesota háskóla. 25.ma.i 2007.
Tveir gestaprófessorar frá Háskólanum í Minnesota við hjúkrunarfræðideild Háskóla Íslands. Dr. Ruth Lindquist deildarforseti hjúkrunarfræðiskóla Háskólans í Minnesota og Dr. Donna Bliss prófessor við sama skóla verða jafnframt gestaprófessorar við hjúkrunarfræðideild Háskóla Íslands, frá og með næsta hausti.
Munu prófessorarnir meðal annars taka að sér umsjón með meistara- og doktorsverkefnum í hjúkrunarfræðideild, koma að kennslu í ákveðnum fögum, vera í rannsóknarsamstarfi við vísindamenn við hjúkrunarfræðideild Háskóla Íslands og tengjast stúdentaskiptum milli skólanna tveggja.
Gengið var frá samningum þessa efnis í tengslum við 25 ára samstarfsafmæli Háskóla Íslands og Háskólans í Minnesota. Allt frá upphafi hafa náin tengsl verið milli vísindamanna innan hjúkrunar- og læknisfræði beggja háskólanna. Meðal annars hefur dr. Connie Delaney forseti hjúkrunarfræðiskóla Háskólans í Minnesota verið í öflugu rannsóknarsamstarfi við vísindamenn Háskóla Íslands, stundað kennslu í hjúkrunarfræði og komið að skiptum stúdenta í hjúkrun milli stofnananna.