Doktorsvörn Guðrún Valgerður Stefánsdóttir
Doktorsvörn Guðrún Valgerður Stefánsdóttir
6. júní 2008 fór fram doktorsvörn í fötlunarfræðum við félagsvísindadeild Háskóla Íslands. Þá varði Guðrún V. Stefánsdóttir lektor við Kennaraháskóla Íslands, doktorsritgerð sína „Ég hef svo mikið að segja“: Lífssögur Íslendinga með þroskahömlun á 20. öld.
Andmælendur voru dr. Annadís Gréta Rúdólfsdóttir, dósent við háskólann á Vestur-Englandi og dr. Berit Johnsen, dósent við háskólann í Osló. Leiðbeinandi með verkefninu var dr. Rannveig Traustadóttir prófessor við Háskóla Íslands. Í doktorsnefnd voru auk hennar dr. Sigurður Gylfi Magnússon, fræðimaður við ReykjavíkurAkademíuna og dr. Loftur Guttormsson prófessor við Kennaraháskóla Íslands. Dr. Jón Torfi Jónasson, skorarformaður í uppeldis- og menntunarfræði stjórnaði athöfninni.