Doktorsvörn Ögmundur Viðar Rúnarsson 30. janúar 2009
Doktorsvörn - Ögmundur Viðar Rúnarsson 30.01.2009.
Doktorsvörn í lyfjaefnafræði við Lyfjafræðideild Háskóla Íslands.
Föstudaginn 30. janúar 2009 varði Ögmundur Viðar Rúnarsson matvælafræðingur og M.S. í lyfjavísindum doktorsritgerð sína „Efnasmíðar á katjónískum kítósanafleiðum og rannsókn á bakteríuhamlandi virkni“ (en. „Synthesis of N-quaternized chitosan derivatives and investigation of antibacterial activity“). Andmælendur voru dr. Knud J. Jensen, prófessor við Kaupmannahafnarháskóla og dr. Jón Valgeirsson deildarstjóri lyfjaefnaþróunar og framleiðslu hjá Actavis. Leiðbeinandi var dr. Már Másson, prófessor.
Dr. Elín Soffía Ólafsdóttir, forseti Lyfjafræðideildar, stjórnaði athöfninni.
Rannsóknin var unnin við Lyfjafræðideild Háskóla Íslands. Rannsóknin var fjármögnuð af RANNÍS, Rannsóknarsjóði Háskóla Íslands og Bergþóru og Þorsteins Scheving Þorsteinssonar sjóðnum. Minningasjóður Ögmundar Jónssonar, verkstjóra fjármagnaði prentun ritgerðarinnar. Genís ehf. lögðu til kítósansykrur sem unnið var með. Í doktorsnefnd Ögmundar voru dr. Þorsteinn Loftsson prófessor við Lyfjafræðideild, dr. Snorri Þór Sigurðsson prófessor í efnafræði við Raunvísindadeild, dr. Magnús Gottfreðsson dósent við Læknadeild og dr. Jón M. Einarsson frá Genís hf.