Doktorsvörn Valerio Bartolino 26.ágúst 2009
Doktorsfyrirlestur um vistfræðilíkön – Valerio Bartolino – 26. ágúst 2009
Valerio Bartolina hélt fyrirlestur um doktorsverkefni sitt í vistfræðilíkönum í Raunvísindadeild. Verkefnið var sameiginlegt doktorsverkefni Háskóla Íslands og Rómarháskóla Sapienza þar sem doktorinn var búinn að verja það.
Verkefnið nefndist Temporal and spatial dynamics of hake Merluccius merluccius recruitment in the Tyrrhenian and Ligurian Sea (Mediterranean). Aðalleiðbeinandi af hálfu Háskóla Íslands var Gunnar Stefánsson prófessor. Guðmundur G. Haraldsson prófessor, forseti Raunvísindadeildar, stýrði kynningarfyrirlestrinum.
Umsjón með verkefninu hafði G.D. Ardizzone, prófessor við Rómarháskóla Sapienza, og Gunnar Stefánsson, prófessor við Háskóla Íslands. Hluti rannsóknarinnar fór fram innan áætlunarinnar Because (EU contract no. 502482). Valerio Bartolino fæddist 24. október í Róm á Ítalíu. Hann lauk BS-prófi í líffræði árið 2004 við Rómarháskóla Sapienza með einkunninni 110/110 cum laude. Hann hefur verið í doktorsnámi við Rómarháskóla frá árslokum 2005 sem hóf síðan samstarf við Háskóla Íslands.