Brynjólfur Bjarnason - brjóstmynd afhjúpuð 25. júní 2009
Þann 25. júní 2009 afhenti Godtfred Vestergaard Háskóla Íslands brjóstmynd af tengdaföður sínum, Brynjólfi Bjarnasyni, við hátíðlega athöfn í Hátíðasal Háskóla Íslands. Heimspekisjóður Brynjólfs Bjarnasonar er kenndur við tengdaföður Godtfreds, fv. menntamálaráðherra og heimspeking. Sjóðurinn var stofnaður árið 1990 af Godtfred Vestergaard og eiginkonu hans, Elínu Brynjólfsdóttur, með stofnframlagi að fjárhæð 1.000.000 kr. Áætlað er að úthlutað verði úr þeim sjóði í fyrsta skipti í lok ársins 2009 eða byrjun árs 2010.