Kári Stefánsson - Hátíðarfyrirlestur - HÍ 100 ára
Hátíðarfyrirlestur – Kári Stefánsson 15. janúar 2011
Húsfyllir var á hátíðarfyrirlestri dr. Kára Stefánssonar í hátíðasal Háskóla Íslands í Aðalbyggingu. Erindið var fyrsta erindið í fyrirlestraröð rektors Háskóla Íslands á aldarafmæli skólans. Fyrirlestur Kára hét Hönnun manns – hvernig maðurinn skapast af samspili erfða og umhverfis. Kristín Ingólfsdóttir, rektor Háskóla Íslands, kynnti Kára í upphafi og stýrði svo fyrirspurnum í framhaldi af fyrirlestrinum. Kári gaf sér góðan tíma til að svara fjölda spurninga utan úr sal.