Fjöldi fólks tók þátt í Sæmundarstund sem haldin var í annað sinn í hádeginu þriðjudaginn 20. mars 2012 við styttuna af Sæmundi á selnum eftir Ásmund Sveinsson myndhöggvara á flötinni fyrir framan Aðalbyggingu Háskóla Íslands. Undirbúningar Sæmundarstundar var í höndum Stúdentaráðs en með dagskránni er Sæmundar Sigfússonar minnst sem lærdómsmanns og þjóðsagnapersónu. Sæmundarstund var haldin í fyrsta sinn árið 2011 en hugmyndina að stundinni átti Oddafélagið, sem er félag áhugamanna um sögu og endurreisn fræðaseturs í Odda á Rangárvöllum. Við það tilefni var ákveðið að halda Sæmundarstund árlega sem næst vorjafndægrum. Dagskráin hófst á söng félaga úr Háskólakórnum og að því loknu flutti Vésteinn Ólason, prófessor emeritus og fyrrverandi forstöðumaður Stofnunar Árna Magnússonar, stutt ávarp um Sæmund fróða. Þá var komið að börnum frá leikskólanum Mánagarði sem sungu þrjú lög við mikinn fögnuð viðstaddra. Sara Sigurðardóttir, formaður Stúdentaráðs, flutti einnig stutt ávarp við athöfnina áður en Þór Jakobsson, formaður Oddafélagsins, afhenti Kristjönu Björk Traustadóttur, formanni Kennós, nemendafélags Kennaradeildar Háskóla Íslands, viðarskjöld með mynd af Sæmundi á selnum eftir Berent Th. Sveinsson loftskeytamann. Kristjana tók við skildinum fyrir hönd nemendafélaga Menntavísindasviðs en það kemur í hlut þeirra að halda utan um Sæmundarstund að ári liðnu í samstarfi við Stúdentaráð. Skjöldurinn mun svo ganga á milli nemendafélaga innan fræðasviða skólans á næstu árum en með því er ætlunin að minnast fjölbreyttra afreka Sæmundar á lærdómssviðinu.

Fjöldi fólks tók þátt í Sæmundarstund sem haldin var í annað sinn í hádeginu þriðjudaginn 20. mars 2012 við styttuna af Sæmundi á selnum eftir Ásmund Sveinsson myndhöggvara á flötinni fyrir framan Aðalbyggingu Háskóla Íslands. Undirbúningar Sæmundarstundar var í höndum Stúdentaráðs en með dagskránni er Sæmundar Sigfússonar minnst sem lærdómsmanns og þjóðsagnapersónu. Sæmundarstund var haldin í fyrsta sinn árið 2011 en hugmyndina að stundinni átti Oddafélagið, sem er félag áhugamanna um sögu og endurreisn fræðaseturs í Odda á Rangárvöllum. Við það tilefni var ákveðið að halda Sæmundarstund árlega sem næst vorjafndægrum. Dagskráin hófst á söng félaga úr Háskólakórnum og að því loknu flutti Vésteinn Ólason, prófessor emeritus og fyrrverandi forstöðumaður Stofnunar Árna Magnússonar, stutt ávarp um Sæmund fróða. Þá var komið að börnum frá leikskólanum Mánagarði sem sungu þrjú lög við mikinn fögnuð viðstaddra. Sara Sigurðardóttir, formaður Stúdentaráðs, flutti einnig stutt ávarp við athöfnina áður en Þór Jakobsson, formaður Oddafélagsins, afhenti Kristjönu Björk Traustadóttur, formanni Kennós, nemendafélags Kennaradeildar Háskóla Íslands, viðarskjöld með mynd af Sæmundi á selnum eftir Berent Th. Sveinsson loftskeytamann. Kristjana tók við skildinum fyrir hönd nemendafélaga Menntavísindasviðs en það kemur í hlut þeirra að halda utan um Sæmundarstund að ári liðnu í samstarfi við Stúdentaráð. Skjöldurinn mun svo ganga á milli nemendafélaga innan fræðasviða skólans á næstu árum en með því er ætlunin að minnast fjölbreyttra afreka Sæmundar á lærdómssviðinu.