Samstarfssamningur ÖBÍ og HÍ um fötlunarfræði – Þann 28. júní 2012 undirrituðu Kristín Ingólfsdóttir, rektor Háskóla Íslands, og Guðmundur Magnússon, formaður Öryrkjabandalags Íslands, samstarfssamning um kennslu og rannsóknir á sviði fötlunarfræða við Háskóla Íslands. Markmiðið með samningnum er að styrkja kennslu, rannsóknir, framþróun og stefnumörkun á fræðasviðinu og í málefnum fatlaðs fólks. Samstarfssamningurinn felur í sér að Öryrkjabandalag Íslands veitir allt að fimm milljónir króna til að stuðla að því að gera nám í fötlunarfræðum aðgengilegt nemendum í grunnnámi (BA-, BS-, B.Ed.- og sambærilegu námi). Styrkurinn verður notaður til að kanna hvort og þá með hvaða hætti unnt er að stofna til grunnnáms í fötlunarfræðum sem aukagrein við Félags- og mannvísindadeild. Með samningnum vill Öryrkjabandalagið efla samstarf og tengsl við fræðasamfélagið, stuðla að betra aðgengi sem flestra að námi í fötlunarfræðum, stuðla að þekkingu og framþróun í málefnum fatlaðs fólks og styrkja fræðilegan grundvöll að stefnumótun og ákvörðunartöku í þessum mikilvæga málaflokki. Framlag Öryrkjabandalagsins endurspeglar vaxandi áherslu á að vönduð og fræðileg þekking verði höfð að leiðarljósi í framþróun og nýsköpun í málefnum fatlaðs fólks hér á landi. Samningurinn tók gildi 1. júlí 2012.

Samstarfssamningur ÖBÍ og HÍ um fötlunarfræði – Þann 28. júní 2012 undirrituðu Kristín Ingólfsdóttir, rektor Háskóla Íslands, og Guðmundur Magnússon, formaður Öryrkjabandalags Íslands, samstarfssamning um kennslu og rannsóknir á sviði fötlunarfræða við Háskóla Íslands. Markmiðið með samningnum er að styrkja kennslu, rannsóknir, framþróun og stefnumörkun á fræðasviðinu og í málefnum fatlaðs fólks. Samstarfssamningurinn felur í sér að Öryrkjabandalag Íslands veitir allt að fimm milljónir króna til að stuðla að því að gera nám í fötlunarfræðum aðgengilegt nemendum í grunnnámi (BA-, BS-, B.Ed.- og sambærilegu námi). Styrkurinn verður notaður til að kanna hvort og þá með hvaða hætti unnt er að stofna til grunnnáms í fötlunarfræðum sem aukagrein við Félags- og mannvísindadeild. Með samningnum vill Öryrkjabandalagið efla samstarf og tengsl við fræðasamfélagið, stuðla að betra aðgengi sem flestra að námi í fötlunarfræðum, stuðla að þekkingu og framþróun í málefnum fatlaðs fólks og styrkja fræðilegan grundvöll að stefnumótun og ákvörðunartöku í þessum mikilvæga málaflokki. Framlag Öryrkjabandalagsins endurspeglar vaxandi áherslu á að vönduð og fræðileg þekking verði höfð að leiðarljósi í framþróun og nýsköpun í málefnum fatlaðs fólks hér á landi. Samningurinn tók gildi 1. júlí 2012.