Afburðanemendur í raunvísindum verðlaunaðir
Fimm nemendur sem útskrifuðust vorið 2012 úr eðlisfræði, efnafræði og lífefnafræði við Háskóla Íslands hlutu verðlaun úr Verðlaunasjóði Guðmundar P. Bjarnasonar frá Akranesi haustið 2012. Verðlaunin voru afhent í Hátíðasal Háskóla Íslands. Þrír nemendanna eiga það sameiginlegt að hafa hlotið ágætiseinkunn í BS-námi sínu við Raunvísindadeild.
Verðlaunaféð nam samtals fjórum milljónum króna. Þeir þrír nemendur sem hlutu ágætiseinkunn fengu eina milljón króna hver og þeir tveir nemendur sem brautskráðust með háa fyrstu einkunn hálfa milljón króna hvor. Þetta er með veglegustu verðlaunum sem háskólanemum eru veitt hér á landi.
Verðlaunahafar í ár voru Tómas Örn Rosdahl, Kristinn Kristinsson og Sveinbjörn Finnsson, sem útskrifuðust allir úr eðlisfræði með ágætiseinkunn, Rikke Poulsen, sem útskrifaðist með háa 1. einkunn úr lífefnafræði, og Sara Björk Sigurðardóttir, sem útskrifaðist úr efnafræði með háa 1. einkunn.
Um Verðlaunasjóð Guðmundar P. Bjarnasonar frá Akranesi
Verðlaunasjóður Guðmundar P. Bjarnasonar frá Akranesi var stofnaður árið 2000 með rausnarlegri gjöf Guðmundar. Tilgangur sjóðsins er að verðlauna efnilega útskriftarnemendur í eðlisfræði og efnafræði við Háskóla Íslands. Verðlaunin miðast við BS-nemendur í eðlisfræði, efnafræði og lífefnafræði.
Guðmundur P. Bjarnason fæddist á Sýruparti á Akranesi 1909 og bjó um árabil á Höfða, dvalarheimili aldraðra á Akranesi. Hann lést í febrúarmánuði 2006 í hárri elli. Guðmundur átti þess ekki kost að stunda háskólanám en starfaði sem netagerðarmaður og fiskmatsmaður á Akranesi auk þess að stunda útgerð í félagi við bróður sinn. Guðmundur var einn af stofnendum Knattspyrnufélagsins Kára árið 1922 og Taflfélags Akraness árið 1933. Guðmundur stofnaði einnig sjóði til stuðnings við efnilega nemendur úr Brekkubæjarskóla, Grundaskóla og Fjölbrautaskóla Vesturlands.
Stjórn Verðlaunasjóðs Guðmundar P. Bjarnasonar frá Akranesi skipa Guðmundur G. Haraldsson, prófessor í efnafræði, sem er formaður, Hafliði Pétur Gíslason, prófessor í eðlisfræði, og Eiríkur Dór Jónsson, fulltrúi Arion-banka, sem er vörsluaðili sjóðsins samkvæmt skipulagsskrá.
Afburðanemendur í raunvísindum verðlaunaðir
Fimm nemendur sem útskrifuðust vorið 2012 úr eðlisfræði, efnafræði og lífefnafræði við Háskóla Íslands hlutu verðlaun úr Verðlaunasjóði Guðmundar P. Bjarnasonar frá Akranesi haustið 2012. Verðlaunin voru afhent í Hátíðasal Háskóla Íslands. Þrír nemendanna eiga það sameiginlegt að hafa hlotið ágætiseinkunn í BS-námi sínu við Raunvísindadeild.
Verðlaunaféð nam samtals fjórum milljónum króna. Þeir þrír nemendur sem hlutu ágætiseinkunn fengu eina milljón króna hver og þeir tveir nemendur sem brautskráðust með háa fyrstu einkunn hálfa milljón króna hvor. Þetta er með veglegustu verðlaunum sem háskólanemum eru veitt hér á landi.
Verðlaunahafar í ár voru Tómas Örn Rosdahl, Kristinn Kristinsson og Sveinbjörn Finnsson, sem útskrifuðust allir úr eðlisfræði með ágætiseinkunn, Rikke Poulsen, sem útskrifaðist með háa 1. einkunn úr lífefnafræði, og Sara Björk Sigurðardóttir, sem útskrifaðist úr efnafræði með háa 1. einkunn.
Um Verðlaunasjóð Guðmundar P. Bjarnasonar frá Akranesi
Verðlaunasjóður Guðmundar P. Bjarnasonar frá Akranesi var stofnaður árið 2000 með rausnarlegri gjöf Guðmundar. Tilgangur sjóðsins er að verðlauna efnilega útskriftarnemendur í eðlisfræði og efnafræði við Háskóla Íslands. Verðlaunin miðast við BS-nemendur í eðlisfræði, efnafræði og lífefnafræði.
Guðmundur P. Bjarnason fæddist á Sýruparti á Akranesi 1909 og bjó um árabil á Höfða, dvalarheimili aldraðra á Akranesi. Hann lést í febrúarmánuði 2006 í hárri elli. Guðmundur átti þess ekki kost að stunda háskólanám en starfaði sem netagerðarmaður og fiskmatsmaður á Akranesi auk þess að stunda útgerð í félagi við bróður sinn. Guðmundur var einn af stofnendum Knattspyrnufélagsins Kára árið 1922 og Taflfélags Akraness árið 1933. Guðmundur stofnaði einnig sjóði til stuðnings við efnilega nemendur úr Brekkubæjarskóla, Grundaskóla og Fjölbrautaskóla Vesturlands.
Stjórn Verðlaunasjóðs Guðmundar P. Bjarnasonar frá Akranesi skipa Guðmundur G. Haraldsson, prófessor í efnafræði, sem er formaður, Hafliði Pétur Gíslason, prófessor í eðlisfræði, og Eiríkur Dór Jónsson, fulltrúi Arion-banka, sem er vörsluaðili sjóðsins samkvæmt skipulagsskrá.
