Með fróðleik í fararnesti - Kræklingaferð í Hvalfjörð – Hátt á annað hundrað manns mættu í fjöruferð með Háskóla Íslands og Ferðafélagi Íslands laugardaginn 21. apríl 2012 þegar kræklingi var safnað í blíðskaparveðri við Fossá í Hvalfirði. Ferðin var hluti af röð ferða Háskóli Íslands og Ferðafélag Íslands efna til og kalla „Með fróðleik í fararnesti“. Háskólinn og Ferðafélagið halda með þessum ferðum áfram samstarfi sínu sem hófst í tilefni aldarafmælis skólans 2011. Reynsla og þekking fararstjóra Ferðafélagsins og þekking kennara og vísindamanna háskólans blandast saman í áhugaverðum ferðum um höfuðborgarsvæðið og næsta nágrenni þess. Markmiðið með samstarfi háskólans og Ferðafélagsins er að vekja áhuga almennings á fræðslu og hollri útivist og fjölga valkostum í þeim efnum. – Gísli Már Gíslason, prófessor við Líf- og umhverfisvísindadeild, og Halldór Pálmar Halldórsson, forstöðumaður Rannsóknaseturs Háskóla Íslands á Suðurnesjum, leiddu hópinn á slóðir kræklingsins í Hvalfirði. Safnast var saman við Öskju, náttúrufræðahús Háskóla Íslands, og þegar Gísli Már hafði frætt þátttakendur um skipulag ferðarinnar sameinuðust þátttakendur í einkabíla sem haldið var á í Hvalfjörð. Þegar í Hvalfjörð kom var bílum lagt við Fossá og haldið niður í fjöru þar sem kræklingi var safnað. Gísli og Halldór fræddu göngumenn um kræklinginn og verkun hans. Gísli Már sagði m.a. að hann væri útbreiddur í fjörum landsins „en í mestu magni þar sem ferskvatns gætir, í árósum, eins og í botni Hvalfjarðar. Þar eiga rándýr minni aðgang að honum vegna þess að þau þola verr lítið saltan sjó,“ sagði Gísli. Hann endaði ferðina með því að kveikja á prímus og elda ofan í hópinn í stórum pottum.

Með fróðleik í fararnesti - Kræklingaferð í Hvalfjörð – Hátt á annað hundrað manns mættu í fjöruferð með Háskóla Íslands og Ferðafélagi Íslands laugardaginn 21. apríl 2012 þegar kræklingi var safnað í blíðskaparveðri við Fossá í Hvalfirði. Ferðin var hluti af röð ferða Háskóli Íslands og Ferðafélag Íslands efna til og kalla „Með fróðleik í fararnesti“. Háskólinn og Ferðafélagið halda með þessum ferðum áfram samstarfi sínu sem hófst í tilefni aldarafmælis skólans 2011. Reynsla og þekking fararstjóra Ferðafélagsins og þekking kennara og vísindamanna háskólans blandast saman í áhugaverðum ferðum um höfuðborgarsvæðið og næsta nágrenni þess. Markmiðið með samstarfi háskólans og Ferðafélagsins er að vekja áhuga almennings á fræðslu og hollri útivist og fjölga valkostum í þeim efnum. – Gísli Már Gíslason, prófessor við Líf- og umhverfisvísindadeild, og Halldór Pálmar Halldórsson, forstöðumaður Rannsóknaseturs Háskóla Íslands á Suðurnesjum, leiddu hópinn á slóðir kræklingsins í Hvalfirði. Safnast var saman við Öskju, náttúrufræðahús Háskóla Íslands, og þegar Gísli Már hafði frætt þátttakendur um skipulag ferðarinnar sameinuðust þátttakendur í einkabíla sem haldið var á í Hvalfjörð. Þegar í Hvalfjörð kom var bílum lagt við Fossá og haldið niður í fjöru þar sem kræklingi var safnað. Gísli og Halldór fræddu göngumenn um kræklinginn og verkun hans. Gísli Már sagði m.a. að hann væri útbreiddur í fjörum landsins „en í mestu magni þar sem ferskvatns gætir, í árósum, eins og í botni Hvalfjarðar. Þar eiga rándýr minni aðgang að honum vegna þess að þau þola verr lítið saltan sjó,“ sagði Gísli. Hann endaði ferðina með því að kveikja á prímus og elda ofan í hópinn í stórum pottum.

Með fróðleik í fararnesti - Kræklingaferð í Hvalfjörð – Hátt á annað hundrað manns mættu í fjöruferð með Háskóla Íslands og Ferðafélagi Íslands laugardaginn 21. apríl 2012 þegar kræklingi var safnað í blíðskaparveðri við Fossá í Hvalfirði. Ferðin var hluti af röð ferða Háskóli Íslands og Ferðafélag Íslands efna til og kalla „Með fróðleik í fararnesti“. Háskólinn og Ferðafélagið halda með þessum ferðum áfram samstarfi sínu sem hófst í tilefni aldarafmælis skólans 2011. Reynsla og þekking fararstjóra Ferðafélagsins og þekking kennara og vísindamanna háskólans blandast saman í áhugaverðum ferðum um höfuðborgarsvæðið og næsta nágrenni þess. Markmiðið með samstarfi háskólans og Ferðafélagsins er að vekja áhuga almennings á fræðslu og hollri útivist og fjölga valkostum í þeim efnum. – Gísli Már Gíslason, prófessor við Líf- og umhverfisvísindadeild, og Halldór Pálmar Halldórsson, forstöðumaður Rannsóknaseturs Háskóla Íslands á Suðurnesjum, leiddu hópinn á slóðir kræklingsins í Hvalfirði. Safnast var saman við Öskju, náttúrufræðahús Háskóla Íslands, og þegar Gísli Már hafði frætt þátttakendur um skipulag ferðarinnar sameinuðust þátttakendur í einkabíla sem haldið var á í Hvalfjörð. Þegar í Hvalfjörð kom var bílum lagt við Fossá og haldið niður í fjöru þar sem kræklingi var safnað. Gísli og Halldór fræddu göngumenn um kræklinginn og verkun hans. Gísli Már sagði m.a. að hann væri útbreiddur í fjörum landsins „en í mestu magni þar sem ferskvatns gætir, í árósum, eins og í botni Hvalfjarðar. Þar eiga rándýr minni aðgang að honum vegna þess að þau þola verr lítið saltan sjó,“ sagði Gísli. Hann endaði ferðina með því að kveikja á prímus og elda ofan í hópinn í stórum pottum.