Ísleifur Ólafsson Doktorsvörn 17. maí 2013
Doktorsvörn í hagfræði – Ólafur Ísleifsson – 17. maí 2013 –
Ólafur Ísleifsson varði doktorsritgerð sína, Íslenska lífeyriskerfið (The Icelandic Pension System), við Hagfræðideild Háskóla Íslands 17. maí 2013. Tór Einarsson, forseti deildarinnar, stjórnaði athöfinni í Hátíðasal skólans.
Andmælendur voru Casper van Ewijk, prófessor við háskólann í Amsterdam, og Edward Palmer, prófessor við Uppsalaháskóla.
Leiðbeinandi doktorsefnisins var Þorvaldur Gylfason, prófessor við Hagfræðideild, og ásamt honum sátu í doktorsnefndinni Lans Bovenberg, prófessor við háskólann í Tilburg í Hollandi, og Sverrir Ólafsson, prófessor við Háskólann í Reykjavík.
Doktorsritgerð Ólafs fjallar um lífeyriskerfið á Íslandi. Fjallað er um upphaf lífeyrissjóðanna og þætti sem hafa haft áhrif á þróun þeirra, grafist er fyrir um sviptingar í fjármálum sjóðanna og rætur þeirra greindar. Áhersla er lögð á margvíslega áhættu sem steðjar að lífeyrissjóðunum á komandi tímum í ljósi fjárhagslegra og lýðfræðilegra þátta. Sett er fram reiknilíkan sem gerir kleift að meta töluleg áhrif breytinga á þessum þáttum.