Hátíð brautskráðra doktora 1. desember 2014
1. desember 2014 var hátíð brautskráðra doktora haldin í fjórða sinn. Nýdoktorarnir voru 79 talsins að þessu sinni, 30 karlar og 49 konur, af öllum fimm fræðasviðum háskólans. Hr. Ólafur Ragnar Grímsson, forseti Íslands, og Illugi Gunnarsson mennta- og menningarmálaráðherra tóku þátt í athöfninni og fluttu ávörp. Enn fremur flutti Hrafnhildur Hannesdóttir, doktor í jarðfræði, ávarp fyrir hönd nýbrautskráðra doktora.