Samkomulag um þekkingarsvæði í Vatnsmýri – undirritun – 20. janúar 2014 – Reykjavíkurborg, Samtök sveitarfélaga á höfuðborgarsvæðinu, Háskóli Íslands, Háskólinn í Reykjavík og Landspítalinn undirrituðu samkomulag um eflingu þekkingarsvæðis í Vatnsmýrinni og mótun áætlunar þar að lútandi 20. janúar 2014. Með undirrituninni stofnuðu þessir aðilar samráðsvettvang um uppbyggingu á þessu þekkingarsvæði sem miðstöð þekkingargreina og nýsköpunar á Íslandi. Það að Vatnsmýrin er í næsta nágrenni við miðborg Reykjavíkur skapar mikilvæg tækifæri til að byggja upp öflugt og lifandi þekkingarsvæði. Nútímalegt skipulag þekkingarsvæðisins getur laðað til sín og fóstrað fyrirtæki, rannsóknarstofnanir og starfsfólk í þekkingargreinum í alþjóðlegri samkeppni. Vinna við undirbúning þekkingarsvæðisins hefst nú þegar og stefnt er að því að henni verði lokið um miðjan apríl 2014. Kostnaður við undirbúninginn er áætlaður sex milljónir króna og greiðir Reykjavíkurborg tvær milljónir króna, Samtök sveitarfélaga á höfuðborgarsvæðinu eina milljón, Háskóli Íslands eina milljón, Háskólinn í Reykjavík eina milljón og Landspítalinn eina milljón króna. Dagur B. Eggertsson, formaður borgarráðs, Gunnar Einarsson, formaður SSH, Kristín Ingólfsdóttir, rektor Háskóla Íslands, Ari Kristinn Jónsson, rektor Háskólans í Reykjavík, og Páll Matthíasson, forstjóri Landspítalans, undirrituðu samkomulagið en þeir mynda stjórn samráðsvettvangsins.

Samkomulag um þekkingarsvæði í Vatnsmýri – undirritun – 20. janúar 2014 – Reykjavíkurborg, Samtök sveitarfélaga á höfuðborgarsvæðinu, Háskóli Íslands, Háskólinn í Reykjavík og Landspítalinn undirrituðu samkomulag um eflingu þekkingarsvæðis í Vatnsmýrinni og mótun áætlunar þar að lútandi 20. janúar 2014. Með undirrituninni stofnuðu þessir aðilar samráðsvettvang um uppbyggingu á þessu þekkingarsvæði sem miðstöð þekkingargreina og nýsköpunar á Íslandi. Það að Vatnsmýrin er í næsta nágrenni við miðborg Reykjavíkur skapar mikilvæg tækifæri til að byggja upp öflugt og lifandi þekkingarsvæði. Nútímalegt skipulag þekkingarsvæðisins getur laðað til sín og fóstrað fyrirtæki, rannsóknarstofnanir og starfsfólk í þekkingargreinum í alþjóðlegri samkeppni. Vinna við undirbúning þekkingarsvæðisins hefst nú þegar og stefnt er að því að henni verði lokið um miðjan apríl 2014. Kostnaður við undirbúninginn er áætlaður sex milljónir króna og greiðir Reykjavíkurborg tvær milljónir króna, Samtök sveitarfélaga á höfuðborgarsvæðinu eina milljón, Háskóli Íslands eina milljón, Háskólinn í Reykjavík eina milljón og Landspítalinn eina milljón króna. Dagur B. Eggertsson, formaður borgarráðs, Gunnar Einarsson, formaður SSH, Kristín Ingólfsdóttir, rektor Háskóla Íslands, Ari Kristinn Jónsson, rektor Háskólans í Reykjavík, og Páll Matthíasson, forstjóri Landspítalans, undirrituðu samkomulagið en þeir mynda stjórn samráðsvettvangsins.