Doktorsvörn - Alda Björk Valdimarsdóttir
Þann 24. október 2014 varði Alda Björk Valdimarsdóttir doktorsritgerð sína í almennri bókmenntafræði. Ritgerðin ber heitið „Ég hef lesið margar Jönur“ - Höfundarvirkni Jane Austen í þremur kvennagreinum samtímans.
Andmælendur voru dr. Gauti Sigþórsson, dósent og greinaformaður fjölmiðlafræði í Greenwich-háskóla í Lundúnum og dr. Ingibjörg Ágústdóttir, lektor í ensku við Háskóla Íslands. Leiðbeinandi var dr. Dagný Kristjánsdóttir, prófessor í íslensku. Í doktorsnefnd voru ásamt leiðbeinanda, dr. Ástráður Eysteinsson forseti Hugvísindasvið Háskóla Íslands og prófessor í almennri bókmenntafræði og dr. Julian Meldon D’Arcy, prófessor í enskum bókmenntum við Háskóla Íslands.
Dr. Sveinn Yngvi Egilsson, prófessor og forseti Íslensku- og menningardeildar, stjórnaði athöfninni.