Á krossgötum 2014 – Kynning á starfsvettvangi hjúkrunarfræðinga 24. janúar 2014 í Eirbergi – Hjúkrunarfræðinemar á lokaári í BS-námi í hjúkrunarfræði við Hjúkrunarfræðideild Háskóla Íslands stóðu fyrir kynningu á starfsvettvangi hjúkrunarfræðinga 24. janúar 2014 eins og undanfarin ár en þetta var í fimmta sinn sem slík kynning er haldin. Kynntar voru bæði nýjar og hefðbundnar hliðar á störfum hjúkrunarfræðinga en um 90 nemendur unnu að kynningunni. Gestir fengu meðal annars að kynnast hjúkrun á nýburagjörgæslu, viðbótarmeðferð í hjúkrun, forvörnum gegn slysum, hjúkrun við blóðgjöf, hjálparstarfi hjúkrunarfræðinga í Kambódíu og vitundarvakningu um ofþyngd og offitu. Fulltrúar frá Landspítala – háskólasjúkrahúsi, Heilsugæslu höfuðborgarsvæðisins og Félagi íslenskra hjúkrunarfræðinga voru á svæðinu og kynntu störf sín. Þá var blóðbíll Blóðbankans fyrir utan húsið og voru gestir hvattir til þess að nýta sér þjónustu hans. Einnig var kynning á framhaldsnámi í hjúkrunar- og ljósmóðurfræði við Hjúkrunarfræðideild. Kynningardagurinn „Á krossgötum“ er liður í námskeiðinu Hjúkrun sem starfs- og fræðigrein.

Á krossgötum 2014 – Kynning á starfsvettvangi hjúkrunarfræðinga 24. janúar 2014 í Eirbergi – Hjúkrunarfræðinemar á lokaári í BS-námi í hjúkrunarfræði við Hjúkrunarfræðideild Háskóla Íslands stóðu fyrir kynningu á starfsvettvangi hjúkrunarfræðinga 24. janúar 2014 eins og undanfarin ár en þetta var í fimmta sinn sem slík kynning er haldin. Kynntar voru bæði nýjar og hefðbundnar hliðar á störfum hjúkrunarfræðinga en um 90 nemendur unnu að kynningunni. Gestir fengu meðal annars að kynnast hjúkrun á nýburagjörgæslu, viðbótarmeðferð í hjúkrun, forvörnum gegn slysum, hjúkrun við blóðgjöf, hjálparstarfi hjúkrunarfræðinga í Kambódíu og vitundarvakningu um ofþyngd og offitu. Fulltrúar frá Landspítala – háskólasjúkrahúsi, Heilsugæslu höfuðborgarsvæðisins og Félagi íslenskra hjúkrunarfræðinga voru á svæðinu og kynntu störf sín. Þá var blóðbíll Blóðbankans fyrir utan húsið og voru gestir hvattir til þess að nýta sér þjónustu hans. Einnig var kynning á framhaldsnámi í hjúkrunar- og ljósmóðurfræði við Hjúkrunarfræðideild. Kynningardagurinn „Á krossgötum“ er liður í námskeiðinu Hjúkrun sem starfs- og fræðigrein.