Föstudaginn 20. febrúar 2015 fór fram doktorsvörn við Sagnfræði- og heimspekideild Hugvísindasviðs Háskóla Íslands. Þá varði Guðbjörg Rannveig Jóhannesdóttir doktorsritgerð sína Icelandic Landscapes: Beauty and the Aesthetic in Environmental Decision-Making (Íslenskt landslag: fegurð og fagurfræði í ákvarðanatöku um náttúruvernd og -nýtingu).

Andmælendur voru dr. Arto Haapala, prófessor við Háskólann í Helsinki í Finnlandi og dr. Isis Brook við Writtle School of Design í Essex í Englandi. Dr. Sigríður Þorgeirsdóttir, prófessor í heimspeki við sagnfræði- og heimspekideild, var aðalleiðbeinandi doktorsverkefnisins en í doktorsnefnd sátu auk hennar dr. Þorvarður Árnason, forstöðumaður Rannsóknaseturs Háskóla Íslands á Hornafirði, og dr. Emily Brady, prófessor við Háskólann í Edinborg í Skotlandi. Dr. Guðmundur Hálfdanarson, prófessor og deildarforseti Sagnfræði- og heimspekideildar, stjórnaði athöfninni.