Seyedmohammad Shayestehaminzadeh
Laugardaginn 28. mars 2015 varði Seyedmohammad Shayestehaminzadeh doktorsritgerð sína í eðlisfræði við Raunvísindadeild Háskóla Íslands. Ritgerðin bar heitið: Ræktun þunnra húða, eiginleikar og hagnýting þeirra (e. Growth of Functional Thin Films by HiPIMS: Fundamentals, Challenges, and Applications).
Andmælendur voru dr. Andre Anders, vísindamaður við Lawrence Berkeley National Laboratory, Bandaríkjunum og ritstjóri Journal of Applied Physics, og dr. Jochen M. Schneider, prófessor í efnisvísindum við Aachen University, Þýskalandi.
Leiðbeinandi var dr. Sveinn Ólafsson, vísindamaður við Raunvísindastofnun Háskólans. Auk hans sátu í doktorsnefnd dr. Hafliði Pétur Gíslason, prófessor við Raunvísindadeild Háskóla Íslands, og dr. Kristján Leósson, framkvæmdastjóri við Nýsköpunarmiðstöð Íslands. Dr. Oddur Ingólfsson, prófessor og varadeildarforseti Raunvísindadeildar, stjórnaði athöfninni.