Doktorsvörn í almennri bókmenntafræði - Þröstur Helgason
Fimmtudaginn 30. apríl 2015 fór fram doktorsvörn við íslensku- og menningardeild Háskóla Íslands. Þröstur Helgason varði doktorsritgerð sína í almennri bókmenntafræði: Tímaritið Birtingur og íslenskur módernismi. Lítil tímarit, landfræði, menningarsaga.
Andmælendur voru Birna Bjarnadóttir, dósent við Manitobaháskóla, og Ólafur Rastrick, lektor við Félagsvísindasvið Háskóla Íslands. Aðalleiðbeinandi Þrastar var Ástráður Eysteinsson, prófessor í almennri bókmenntafræði og forseti Hugvísindasviðs, en í doktorsnefnd voru auk hans Bergljót Kristjánsdóttir, prófessor í íslenskum bókmenntum, og Guðni Elísson, prófessor í almennri bókmenntafræði. Sveinn Yngvi Egilsson, forseti Íslensku- og menningardeildar, stjórnaði athöfninni.