Doktorsvörn - Ásta Snorradóttir
Miðvikudaginn 16. desember 2015 varði Ásta Snorradóttir doktorsritgerð sína í félagsfræði. Ritgerðin bar heitið: Hrunið - Heilsa og líðan starfsfólks íslenskra banka í kjölfar bankahruns, eða Hrunið - The health and well-being of bank employees in Iceland following the collapse of their workplace during an economic recession.
Andmælendur voru Arne Kalleberg, prófessor við Háskólann í Norður Karolínu, Chapell Hill, og Guðmundur Ævar Oddsson, lektor við Northen Michigan University. Leiðbeinandi í verkefninu var Guðbjörg Linda Rafnsdóttir, prófessor í félagsfræði við Félags- og mannvísindadeild. Auk þeirra sátu í doktorsnefnd Kristinn Tómasson, yfirlæknir hjá Vinnueftirliti ríkisins,
Rúnar Vilhjálmsson, prófessor við Hjúkrunarfræðideild, og Birgit Aust, vísindamaður við Det Nationale Forskningcenter for Arbejdsmiljø. Helgi Gunnlaugsson, prófessor við Félags- og mannvísindadeild, stjórnaði athöfninni.