Kennslumálaþing 2015 - Af hverju fékk ég sjö?
„Af hverju fékk ég sjö?“ - Kennslumálaþing Háskóla Íslands föstudaginn 27. febrúar 2015. Stúdentaráð, kennslumálanefnd, gæðanefnd og Kennslumiðstöð Háskóla Íslands stóðu að málþingi um endurgjöf og námsmat í háskólanámi.
Þingið var vettvangur umræðna um aukin gæði náms og kennslu í Háskóla Íslands þar sem nemendum gafst færi á að koma skoðunum sínum á framfæri en á þinginu var lögð fram tillaga að nýrri stefnu háskólans í einkunnagjöf og námsmati. Góð mæting var og fjörugar umræður í vinnustofum.
Meðal frummælenda voru Kate Little frá heildarsamtökum stúdentafélaga á Bretlandseyjum, Guðbjörg Andrea Jónsdóttir forstöðumaður Félagsvísindastofnunar HÍ og Börkur Hansen formaður kennslumálanefndar háskólaráðs og prófessor á Menntavísindasviði.