Doktorsvörn í almennri bókmenntafræði - Auður Aðalsteinsdóttir
Doktorsvörn Auðar Aðalsteinsdóttur: Bókmenntagagnrýni á almannavettvangi. Vald og virkni ritdóma á íslensku bókmenntasviði.
Föstudaginn 12. febrúar 2016 fór fram doktorsvörn við Íslensku- og menningardeild. Þá varði Auður Aðalsteinsdóttir doktorsritgerð sína í almennri bókmenntafræði, er nefndist: Bókmenntagagnrýni á almannavettvangi. Vald og virkni ritdóma á íslensku bókmenntasviði.
Andmælendur voru Dagný Kristjánsdóttir, prófessor við Íslensku- og menningardeild, og Gestur Guðmundsson, prófessor við Uppeldis- og menntunarfræðideild. Aðalleiðbeinandi Auðar var Ástráður Eysteinsson, prófessor við Íslensku- og menningardeild, en í doktorsnefnd voru auk hans Gunnþórunn Guðmundsdóttir og Jón Ólafsson, bæði prófessorar við Íslensku- og menningardeild.
Sveinn Yngvi Egilsson, prófessor og deildarforseti Íslensku- og menningardeildar, stýrði athöfninni sem fram fór í Hátíðasal.