Berglind Hálfdánsdóttir - doktorsvörn
Þann 2. maí 2016 varði Berglind Hálfdánsdóttir doktorsritgerð sína í ljósmóðurfræðum við Hjúkrunarfræðideild, sem bar heitið: Fyrirfram ákveðnar heimafæðingar á Íslandi: Forsendur, útkoma og áhrifaþættir. Planned home births in Iceland: Premise, outcome and influential factors.
Andmælendur voru dr. Ank de Jonge, dósent við Vrije Universiteit Amsterdam, og dr. Helga Zoéga, dósent við Læknadeild.
Leiðbeinandi Berglindar í verkefninu var dr. Herdís Sveinsdóttir, prófessor við Hjúkrunarfræðideild.
Auk hennar sátu í doktorsnefndinni dr. Ólöf Ásta Ólafsdóttir, lektor við Hjúkrunarfræðideild, dr. Alexander Kr. Smárason, prófessor við Heilbrigðisvísindastofnun Háskólans á Akureyri, og dr. Ingegerd Hildingsson, prófessor við Háskólann í Uppsölum.
Dr. Helga Jónsdóttir, deildarforseti Hjúkrunarfræðideildar, stjórnaði athöfninni, sem fram fór í Hátíðasal.