Doktorsvörn í matvælafræði - Paulina Elzbieta Wasik
Paulina Elzbieta Wasik varði þann 30. september 2016 doktorsritgerð sína í matvælafræði við Matvæla- og næringarfræðideild, sem ber heitið: Hámörkun gæða frosinna makrílafurða - Quality optimisation of frozen mackerel products.
Andmælendur voru dr. Judith Kreyenschmidt, prófessor við Háskólann í Bonn, og Santiago Pedro Aubourg Martínez, prófessor við Instituto de Investigaciones Marinas (IIM), sem er hluti af Rannsóknarráði Spánar (CSIC).
Umsjónarkennari var Sigurjón Arason, prófessor við Matvæla- og næringarfræðideild, en leiðbeining var í höndum Sigurjóns og dr. Maríu Guðjónsdóttur, dósents við sömu deild. Auk þeirra sátu í doktorsnefnd dr. Magnea Guðrún Karlsdóttir, fagstjóri hjá Matís, og dr. Hörður G. Kristinsson, rannsóknastjóri hjá Matís og dósent við Háskólann í Flórída.
Dr. Þórhallur Ingi Halldórsson, prófessor við Matvæla- og næringarfræðideild, stjórnaði athöfninni.