Doktorsvörn í íslenskum bókmenntum - Christopher Crocker
Föstudaginn 7. október 2016 varði Christopher Crocker doktorsritgerð sína, Situating the Dream: Paranormal Dreams in the Íslendingasögur (Staðsetning draumsins: Yfirnáttúrulegir draumar í Íslendingasögum) við Íslensku- og menningardeild.
Andmælendur við vörnina voru Torfi Tulinius, prófessor í íslenskum miðaldafræðum, og Stephen Mitchell, prófessor í norrænu og þjóðfræðum (Scandinavian and Folklore) við Harvard-háskóla.
Aðalleiðbeinandi Christophers í námi hans við Háskóla Íslands var Ármann Jakobsson, prófessor við Íslensku- og menningardeild, en í doktorsnefnd voru auk hans Guðrún Nordal, prófessor og forstöðumaður Stofnunar Árna Magnússonar, og Tarrin Wills, dósent í norrænum fræðum við Aberdeen-háskóla (Centre for Scandinavian Studies, University of Aberdeen).
Gunnþórunn Guðmundsdóttir, forseti Íslensku- og menningardeildar, stjórnaði athöfninni sem fram fór í Öskju (stofu 132).