Doktorsvörn í læknavísindum - Orri Þór Ormarsson
Þann 4. nóvember 2016 varði Orri Þór Ormarsson doktorsritgerð sína í læknavísindum sem bar heitið: Nýtt lyf til meðhöndlunar á hægðatregðu og til tæmingar fyrir bugðuristilspeglanir - New medicine for the treatment of constipation as well as for rectal cleansing prior to flexible sigmoidoscopy.
Andmælendur voru dr. Marc A. Benninga, prófessor við Háskólann í Amsterdam, og dr. Þorvarður Jón Löve, dósent við Læknadeild.
Umsjónarkennari var dr. Einar Stefán Björnsson, prófessor við Læknadeild. Auk hans sátu í doktorsnefnd Ásgeir Haraldsson, prófessor við sömu deild og yfirlæknir á Barnaspítala Hringsins, dr. Einar Stefánsson, prófessor við Læknadeild, dr. Þorsteinn Loftsson, prófessor við Lyfjafræðideild, og dr. Hasse Abrahamsson, prófessor emeritus við Sahlgrenska Universitetssjukhuset í Gautaborg.
Magnús Karl Magnússon, deildarforseti og prófessor við Læknadeild, stjórnar athöfninni.