Doktorsvörn í íslenskum bókmenntum - Þórdís Edda Jóhannesdóttir
Mánudaginn 7. nóvember 2016 fór fram doktorsvörn við Íslensku- og menningardeild. Þá varði Þórdís Edda Jóhannesdóttir doktorsritgerð sína í íslenskum bókmenntum, Jómsvíkinga saga: Sérstaða, varðveisla og viðtökur.
Andmælendur voru Marteinn Helgi Sigurðsson, doktor í norrænum fræðum og ritstjóri hjá Íslenzkum fornritum, og Judith Jesch, prófessor í víkingafræðum við Háskólann í Nottingham. Aðalleiðbeinandi var Ármann Jakobsson, prófessor í íslenskum bókmenntum fyrri alda við Íslensku- og menningardeild, en í doktorsnefnd voru auk hans Sverrir Tómasson, prófessor emeritus, og Alison Finlay, prófessor í enskum og íslenskum miðaldabókmenntum við Birkbeck College í London.
Gunnþórunn Guðmundsdóttir, forseti Íslensku- og menningardeildar, stjórnaði athöfninni.