Ráðstefna um heimskautaísinn á Mars
Heimskautasvæðin á plánetunni Mars voru til umfjöllunar á ráðstefnu sem fram fór í Hátíðasal Háskóla Íslands dagana 5.-9. september 2016. Auk Háskólans komu m.a. Veðurstofa Íslands og fjöldi erlendra háskóla að ráðstefnunni ásamt Marsskrifstofu Geimferðastofnunar Bandaríkjanna (NASA) og fagfélögum í jarðeðlisfræði.
Ráðstefnan bar yfirskriftina International Conference on Mars Polar Science and Exploration og var þetta er í sjötta sinn sem slík ráðstefna var haldin. Sú fyrsta var haldin í Texas árið 1998 og hafa þær verið haldnar á 2-5 ára fresti síðan: Á Íslandi 2000, í Kanada 2003, Sviss 2006, Alaska 2011 og svo aftur hér á Íslandi 2016.
Einn af aðalfyrirlesurum á ráðstefnunni var Þorvaldur Þórðarson, prófessor við Jarðvísindadeild.