Þann 7. október 2016 hófst starfsemi HÖFÐA Friðarseturs Reykjavíkurborgar og Háskóla Íslands með opnu málþingi í Hátíðasal. Málþingið hófst með opnunarávarpi Guðna Th. Jóhannessonar, forseta Íslands. Aðalræðumenn voru Steve Killelea, stofnandi og stjórnarformaður Institute for Economics and Peace og höfundur Global Peace Index og Annika Bergman Rosamond, dósent í stjórnmálafræði við Háskólann í Lundi. Auk þeirra ávörpuðu Jón Atli Benediktsson, rektor Háskóla Íslands, Lilja Alfreðsdóttir, utanríkisráðherra og Dagur B. Eggertsson, borgarstjóri Reykjavíkur málþingið. HÖFÐI Friðarsetur er samstarfsverkefni Reykjavíkurborgar og Háskóla Íslands og er vettvangur fyrir þverfaglegt og alþjóðlegt samstarf með áherslu á hlutverk borga, borgara og smáríkja í að stuðla að friði, friðarmenningu og friðarfræðslu.

Þann 7. október 2016 hófst starfsemi HÖFÐA Friðarseturs Reykjavíkurborgar og Háskóla Íslands með opnu málþingi í Hátíðasal. Málþingið hófst með opnunarávarpi Guðna Th. Jóhannessonar, forseta Íslands. Aðalræðumenn voru Steve Killelea, stofnandi og stjórnarformaður Institute for Economics and Peace og höfundur Global Peace Index og Annika Bergman Rosamond, dósent í stjórnmálafræði við Háskólann í Lundi. Auk þeirra ávörpuðu Jón Atli Benediktsson, rektor Háskóla Íslands, Lilja Alfreðsdóttir, utanríkisráðherra og Dagur B. Eggertsson, borgarstjóri Reykjavíkur málþingið. HÖFÐI Friðarsetur er samstarfsverkefni Reykjavíkurborgar og Háskóla Íslands og er vettvangur fyrir þverfaglegt og alþjóðlegt samstarf með áherslu á hlutverk borga, borgara og smáríkja í að stuðla að friði, friðarmenningu og friðarfræðslu.