Fimmtudaginn 2. júní 2016 fór uppskeruhátíð Biophilia-menntaverkefnisins fram í Ráðhúsi Reykjavíkur. Börn sýndu fjölbreytt sköpunarverk á opnunarathöfninni en sýning á verkunum var opin fyrir gesti og gangandi alla helgina. Biophilia-menntaverkefnið er umfangsmikið verkefni með aðkomu fræðimanna, vísindamanna, listamanna, kennara og nemenda á öllum námsstigum. Það byggir á því að nýta sköpunargáfuna sem kennslu- og rannsóknarverkfæri þar sem tónlist, tækni og náttúruvísindi eru tengd saman á nýstárlegan hátt. Verkefnið er samstarfsverkefni Mennta- og menningarmálaráðuneytis, Norrænu ráðuherranefndarinnar, Reykjavíkurborgar, Háskóla Íslands og Bjarkar Guðmundsdóttur og var eitt af formennskuverkefnum Íslands í Norrænu ráðherranefndinni árið 2014. Á uppskeruhátíðinni mátti sjá afrakstur þess frjóa starfs sem farið hafði fram í leikskólum, grunnskólum og frístundamiðstöðvum í Reykjavík. Á hátíðinni voru Biophilia-sköpunarverk kynnt og sýnd af börnunum með tónlist, máli og myndum. Þátttakendur í verkefninu voru: Austurbæjarskóli, Dalskóli, Frístundamiðstöðin Gufunesbær, Fossvogsskóli, leikskólinn Miðborg, leikskólinn Kvistaborg, Sæmundarskóli og Vogaskóli.

Fimmtudaginn 2. júní 2016 fór uppskeruhátíð Biophilia-menntaverkefnisins fram í Ráðhúsi Reykjavíkur. Börn sýndu fjölbreytt sköpunarverk á opnunarathöfninni en sýning á verkunum var opin fyrir gesti og gangandi alla helgina. Biophilia-menntaverkefnið er umfangsmikið verkefni með aðkomu fræðimanna, vísindamanna, listamanna, kennara og nemenda á öllum námsstigum. Það byggir á því að nýta sköpunargáfuna sem kennslu- og rannsóknarverkfæri þar sem tónlist, tækni og náttúruvísindi eru tengd saman á nýstárlegan hátt. Verkefnið er samstarfsverkefni Mennta- og menningarmálaráðuneytis, Norrænu ráðuherranefndarinnar, Reykjavíkurborgar, Háskóla Íslands og Bjarkar Guðmundsdóttur og var eitt af formennskuverkefnum Íslands í Norrænu ráðherranefndinni árið 2014. Á uppskeruhátíðinni mátti sjá afrakstur þess frjóa starfs sem farið hafði fram í leikskólum, grunnskólum og frístundamiðstöðvum í Reykjavík. Á hátíðinni voru Biophilia-sköpunarverk kynnt og sýnd af börnunum með tónlist, máli og myndum. Þátttakendur í verkefninu voru: Austurbæjarskóli, Dalskóli, Frístundamiðstöðin Gufunesbær, Fossvogsskóli, leikskólinn Miðborg, leikskólinn Kvistaborg, Sæmundarskóli og Vogaskóli.