Raunvísindastofnun Háskólans 50 ára
Í tilefni þess að liðin voru 50 ár frá því Raunvísindastofnun Háskólans tók formlega til starfa var efnt til málþings í Öskju þann 10. nóvember 2016, í stofu N-132.
Á málþinginu voru helstu áherslur stofnunarinnar í rannsóknum kynntar í erindum ungra vísindamanna og á veggspjöldum.
Meginhlutverk Raunvísindastofnunar er að afla nýrrar þekkingar með rannsóknum á sviði efna- og eðlisvísinda, jarðvísinda og stærðfræði. Stofnunin rekur öndvegissetur og sérstaka aðstöðu viðamikilla rannsókna á fræðasviðum sínum, í samvinnu við innlenda og erlenda aðila.