Sigurð í Jákupsstovu, rektor Fróðskaparseturs Færeyja, og Jón Atli Benediktsson, rektor Háskóla Íslands, undirrituðu þann 29. ágúst 2016 viðauka við samstarfssamning háskólanna um víðtækara samstarf. Viðaukinn var undirritaður í tengslum við íslensk/færeysku ráðstefnuna Frændafund sem haldin er þriðja hvert ár til skiptis á Íslandi og í Færeyjum. Að þessu sinni fór ráðstefnan fram í Reykjavík. Þetta er annar viðaukinn við samstarfssamning sem skólarnir gerðu með sér árið 2009 en fyrsti viðaukinn var undirritaður árið 2013. Með viðaukanum er frekari stoðum skotið undir sterk söguleg og menningarleg tengsl milli bæði stofnananna og landanna tveggja og komið til móts við vilja innan beggja háskóla um aukið samstarf. Í viðaukanum felst m.a. að samstarfssamningur skólanna, sem undirritaður var árið 2009, er framlengdur til ársins 2021 með það fyrir augum að styrkja tengsl á eins mörgum fræðasviðum og mögulegt er. Þar eru einnig ákvæði um almennt vísindasamstarf án þess að tiltekin verkefni séu afmörkuð.

Sigurð í Jákupsstovu, rektor Fróðskaparseturs Færeyja, og Jón Atli Benediktsson, rektor Háskóla Íslands, undirrituðu þann 29. ágúst 2016 viðauka við samstarfssamning háskólanna um víðtækara samstarf. Viðaukinn var undirritaður í tengslum við íslensk/færeysku ráðstefnuna Frændafund sem haldin er þriðja hvert ár til skiptis á Íslandi og í Færeyjum. Að þessu sinni fór ráðstefnan fram í Reykjavík. Þetta er annar viðaukinn við samstarfssamning sem skólarnir gerðu með sér árið 2009 en fyrsti viðaukinn var undirritaður árið 2013. Með viðaukanum er frekari stoðum skotið undir sterk söguleg og menningarleg tengsl milli bæði stofnananna og landanna tveggja og komið til móts við vilja innan beggja háskóla um aukið samstarf. Í viðaukanum felst m.a. að samstarfssamningur skólanna, sem undirritaður var árið 2009, er framlengdur til ársins 2021 með það fyrir augum að styrkja tengsl á eins mörgum fræðasviðum og mögulegt er. Þar eru einnig ákvæði um almennt vísindasamstarf án þess að tiltekin verkefni séu afmörkuð.