Doktorsvörn í jarðvísindum - Rebecca Anna Neely
Miðvikudaginn 9. ágúst 2017 varði Rebecca Anna Neely doktorsritgerð sína í jarðfræði við Jarðvísindadeild. Ritgerðin bar heitið: Mólýbden samsætur í vatnakerfum (e. Molybdenum isotope behaviour in aqueous systems).
Andmælendur voru dr. Thomas F. Nägler, dósent í samsætujarðfræði við jarðfræðideild háskólans í Bern í Sviss og dr. Caroline L. Peacock, dósent í lífjarðefnafræði við jarð- og umhverfisvísindadeild Háskólans í Leeds í Bretlandi.
Leiðbeinandi var dr. Sigurður Reynir Gíslason, vísindamaður við Jarðvísindastofnun Háskóla Íslands. Aðrir í doktorsnefnd voru dr. Kevin Burton, prófessor við Durhamháskóla í Bretlandi og við Paul Sabatier háskóla í Toulouse í Frakklandi, og dr. Eric H. Oelkers, prófessor við University College í London, rannsóknarstjóri við CNRS-stofnunina við Paul Sabatier-háskóla í Toulouse í Frakklandi og gestaprófessor við Jarðvísindadeild.
Magnús Tumi Guðmundsson, forseti Jarðvísindadeildar stýrði vörninni sem fram fór í Hátíðarsal.