Doktorsvörn við Íslensku- og menningardeild: Yoav Tirosh
Þriðjudaginn 29. október 2019 fór fram doktorsvörn við Íslensku- og menningardeild. Þá varði Yoav Tirosh doktorsritgerð sína í íslenskum bókmenntum sem nefndist On the Receiving End - The Role of Scholarship, Memory, and Genre in Constructing Ljósvetninga saga. Vörnin fór fram í Hátíðasal í Aðalbyggingu.
Andmælendur við vörnina voru Massimiliano Bampi, dósent við Ca’ Foscari háskóla í Feneyjum, og Stefanie Gropper, prófessor við Háskólann í Tübingen.
Doktorsritgerðin var unnin undir leiðsögn Ármanns Jakobssonar, prófessors í íslenskum bókmenntum fyrri alda við Háskóla Íslands. Aðrir í doktorsnefnd voru Pernille Hermann, dósent við Árósaháskóla, og Svanhildur Óskarsdóttir, rannsóknarprófessor við Stofnun Árna Magnússonar í íslenskum fræðum.
Torfi Tulinius, forseti Íslensku- og menningardeildar, stjórnaði athöfninni.